Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 02.07.18

Mundial2018: Kaer ema besik na'in 6.500 iha Tailándia tanba aposta ilegal sira iha jogu sira

SAPO TL

Polísia tailandeza kaer ona ema besik na'in 6.500 tanba aposta ilegal sira iha jogu sira Mundial2018 futebol nian, fó sai hosi autoridade sira iha loron-segunda ne'e.

mundial_tl2018.jpg

Polísia tailandeza lansa ona kampaña boot ida hasoru aposta ilegal sira no dezde hahú torneiu, iha loron 14 Juñu, maka polísia prende ona osan hamutuk bat millaun 28 (ka euro 725.000 resin).

Entre ema sira ne'ebé polísia kaer, iha mós responsável sira hosi uma aposta sira hamutuk 250, haktuir hosi informasaun ne'ebé hato'o iha "media" lokal sira.

Lei sira Tailándia nian bandu jogu ho kastigu ne'ebé karik bele to'o kadeia tinan ida nia laran maibé kastigu ne'e la aplika ba aposta sira ne'ebé regula hosi Estadu.

Mundial2018 futebol nian hamosu ona aumentu maka'as ida ba aposta ilegal sira iha Tailándia ne'ebé sirkula tinan-tinan iha nasaun laran osan bat millaun resin, liuliu iha aposta sira ne'ebé hetan iha jogu sira Liga Españól no Premier League futebol nian.

Tuir estudu ida hosi Universidade Chulalongkorn, ema tailandés liu millaun 2,5 partisipa iha jogu sira aposta rezultadu nian, inklui joven na'in 600.000 resin entre tinan 15 to'o tinan 25.

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.