Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 17.04.19

Mundial2022: Timor-Leste hasoru Malázia iha inísiu apuramentu

SAPO TL

Selesaun Timor-Leste sei hasoru Malázia iha faze kualifikasaun aziátiku nian ba Kampeonatu Mundu futebol tinan 2022, ne'ebé sei hala'o iha Qatar, hatete hosi sorteiu ne'ebé halo iha loron-kuarta ne'e iha Kuala Lumpur.

futebol_timor_equipa.jpg

Ekipa timoroan, ne'ebé okupa pozisaun 195 iha ranking FIFA nian, sei sukat forsa ho ekipa ne'ebé hetan pontuasaun di'ak hosi 12 ne'ebé halo parte iha ronda dahuluk hosi apuramentu iha zona aziátiku, iha pozisaun 168 hosi hierarkia, sei ba Malázia iha loron 06 Juñu, loron lima antes simu jogu daruak.

 

Iha dalan ba Mundial2018, halo iha Rúsia, Timor-Leste halo ona istória, bainhira tama ba dala uluk iha faze daruak kualifikasaun nian, hela iha fatin ikus hosi grupu A, lakon ho Arábia Saudita, Emiradu Árabe Unidu, Palestina ho Malázia, hafoin halakon tiha Mongólia iha ronda abertura nian.

 

Jogu sira seluk hosi ronda inaugural ba apuramentu nian, Makau, iha pozisaun 183 iha selesaun mundu nian, sei hasoru Sri Lanka, nasaun ne'ebé ladún hetan pontuasaun iha faze ne'e, iha postu 202. Vensedor neen sei tama iha ronda daruak, ne'ebé sei halo entre fulan-Setembru 2019 no fulan-Juñu tinan 2020, ho selesaun hamutuk 40, fahe iha grupu ualu ho ekipa lima.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.