ONU PROMOVE TRANSMISAUN JOGU IHA GUINÉ-BISAU
Transmisaun sei hala’o desde serimónia abertura, tuku 16h00 loron- Kuarta, to’o enseramentu, iha loron 13 Jullu, hafoin finál, tuku 20h00.
Brazuca, bola ofisiál husi Mundiál2014.
Foto: YASUYOSHI CHIBA
Jogu Mundiál Futeból sei transmiti diretu ba ekran bot iha Estádio Nacional 24 de Setembro, Bisau, no projetadu iha fatin 12 seluk iha teritóriu guineense, fó sai horisehik reprezentante ONU nian iha Guiné-Bisau.
Fatin hothotu bele tama gratuita no iha estádio kapitál sei garante seguransa husi efetivu atus husi Polísia Ordem Públika, José Ramos-Horta haktuir, dinamizadór husi inisiativa.
Transmisaun sei hala’o desde serimónia abertura, tuku 16h00 husi loron-Kuarta, to’o enserramentu, iha loron 13 Jullu, hafoin finál,ba tuku 20h00, "sei hala’o jogu 64, totál husi oras 202", fó sai ONU, iha organizasaun ne’ebé envolve tán Estadu, Grupu Interparlamentár husi Parlamentu Britániku ba Guiné-Bisau no patrosinadór privadu sira.
Tuir estimative ne’e, sei iha ema rihun 15 kada loron ida hodi asisti ba jogu iha Estádio 24 Setembro, rihun 20 maka kontabilizadu iha fatin seluk husi projesaun nian. "Sei preve retransmisaun iha parte lorokraik nian, ho ahi-solar nian, nune’e mós iha situasaun intempérie, sempre ho inísu meia ora molok kada jogu no termo minutu 30 nian hafoin apitu finál", hatutan ona.
"Di’ak liu maka animasaun kontinua", dehan Rui de Barros, primeiru-ministru husi transisaun, ba konferénsia imprensa husi aprezentasaun inisiativa nian, iha aluzaun klima festa ne’ebé halo iha país desde kampaña eleitorál fulan-Abril no Maiu.
Komisáriu jerál Polísia Orden Públika guineense, Armando Nhaga, garante katak seguransa iha estádiu sei halo "alto nível" no fó hela avizu: bebida alkoólika, labele hemu iha resintu nia laran.
Reprezentante ONU dehan katak hahú reza ona atu nune’e Portugal bele sai kampeaun. "Primeiru, sem ofensa ba ema seluk, Portugál", hafoin, "ko’alia, ha’u husu ba Maromak katak nia atu fó oportunidade ne’e ba Brazíl", se la’e, iha "ekipa afrikana ida". "Baibain ne’e, Maromak rona ha’u nia orasaun", konklui José Ramos-Horta.
Alén Estádiu 24 de Setembro, jogu sira sei kapta diretamente liuhosi satélite no projetadu iha fatin tolu seluk husi Bisau no sei iha Mansoa, Quinhamel, Cacheu, Bafatá, Bambadinca, São Domingos, Gabú, Catió no Bubaque, ho mobilizasaun husi eskritóriu rejionál sira Gabinete Integradu Nasoens Unidas ba Konsolidasaun Pás iha Guiné-Bisau (UNIOGBIS).
SAPO Desporto ho Lusa