Paris sei simu ba dala uluk jogu NBA ida iha Janeiru tinan 2020
Sidade Paris sei simu enkontru inéditu ida hosi faze regular hosi Liga Norte-amerikanu Basket nian (NBA), entre Charlotte Hornets hasoru Milwaukee Bucks, iha loron 24 Janeiru 2020, anunsia hosi organizasaun iha loron-kinta ne'e.
"Ami nia jogu iha Paris sei hatudu kresimentu global kontínua hosi basket iha sidade boot ida iha mundu. Fransa reprezenta nafatin [ba tinan konsekutivu dala 12] kontijente boot hosi jogador europeiu sira iha NBA", ho atleta na'in sia, hatete hosi komisáriu liga norte-amerikanu nian, Adam Silver, iha site ofisial.
Jogu ne'e sei halo iha Palais Omnisports hosi Paris-Bercy, iha sentru kapital franseza nian, ho kapasidade ba espetador hamutuk 15.000, ne'ebé simu ona Eurobasket iha 1999 no sei simu torneiu sira hosi modalidade ne'e iha Jogu Olímpiku tinan 2024.
Paris simu ona jogu sira hosi pré-temporada NBA iha dékada rua ikus ne'e, maibé iha Londres de'it maka sai ona hanesan palku hosi jogu ofisial sira hosi kompetisaun ne'e iha Europa, iha total hosi jogu sia entre tinan 2011 ho 2019.
Fonte: Ajénsia Lusa