Pepe dehan tuir nia katak latama ulun wainhira Sergio Ramos atu sai
Defeza sentrál españól ne’ebé ema tau matan hela atu ba Manchester United.
Foto: Frederic J. Brown
Pepe dehan tuir nia katak latama ulun wainhira Sergio Ramos atu sai
Internasionál portugé Pepe, habituál ‘parseiru’ Sergio Ramos iha defeza Real Madrid, ohin husu ba ‘kapitaun’ merengues katak atu manten nafatin Sergio Ramos iha Madrid, maski mosu rumores kona-ba interese ingles sira nian hosi Manchester United.
“Tuir ha’u la tama ulun katak laiha ‘madridista’ hanesan [Sergio Ramos] sei nia lahamutuk ho ami. No ami-nia ‘kapitaun’ no ha’u fiar aan katak nia sei kontinua, tanba nia hakarak tebes iha klube no klube mós hakara nia”, dehan defeza sentrál, ‘promove’ terseiru ‘kapitaun’ hafoin Iker Casillas sai ba FC Porto.
Pepe, ko’alia iha Pekin, ba etapa ida tan halo digresaun klube españól nian, nafatin hatete katak Sergio Ramos “hanesan referénsia ida hosi Real Madrid”.
Husu kona-ba eventuál renovasaun ho madrilène sira, Pepe delega ona asuntu iha emprezáriu no iha prezidente Real Madrid, Florentino Perez.
“Ha’u-nia objetivu prinsipál agora oinseluk: Atu halo serbisu di’ak ba tinan ida ne’e no ajuda atu manán títulu barak iha tinan ne’e”, jogadór afirma, iha loron ne’ebé James Rodriguez fila hikas hosi férias no ba hamutuk ho kolega sira iha kapitál xineza, hafoin reprezenta tiha Kolómbia hodi ba joga iha Kopa Amérika.
SAPO TL ho SAPO Desporto