Pepe ho Ronaldo tama iha ideál 11 Zidane nian
Símbolu antigu hosi Real Madrid no hosi selesaun fransés nian hili ona jogadór na'in "sanulu-resin-ida" nebe di'ak liu iha atualidade.
Foto: PEDRO ARMESTRE / AFP
Zinedine Zidane, símbolu antigu hosi Real Madrid no hosi selesaun fransés nian, fó sai ona, iha entrevista ba Kanál Plus, ekipa nebe nia konsidera hanesan di'ak liu iha atualidade.
"Zizou", agora hanesan treinadór Castilla, ka Real Madrid B, hili ona jogadór na'in hitu hosi "merengue" ba "inisiál 11", inklui internasionál portugés sira Pepe ho Cristiano Ronaldo. Messi, Daniel Alves ho Ibrahimovic kompleta mós ekipa ideal.
Iha hipotétiku "banku suplente nian" iha naran sira hanesan Manuel Neuer, Philipp Lahm, Franck Ribéry ka Andrés Iniesta.
Haree lista Zidane nian tuirmai:
Guarda-rede: Iker Casillas (Suplente: Manuel Neuer)
Defeza sira: Dani Alves, Pepe, Sergio Ramos no Marcelo (Suplentes: Philipp Lahm no Raphael Varane)
Médiu: Yaya Touré ho Luka Modric (Suplentes: Iniesta ho Pogba)
Avansadu: Cristiano Ronaldo, Messi, Ibrahimovic ho Benzema (Suplentes: Franck Ribéry no Sergio Agüero)