Portugál empata ho Itália no tama ba 'meia' Europeu sub-19 no Mundiál sub-20 nian
Selesaun portugeza futeból sub-19 empata horisehik 1-1 bainhira hasoru Itália, iha jornada datoluk no ikus hosi Grupu A kategoria Europeu, no asegura kualifikasaun ba meia-finál no ba Mundiál sub-20.
Ekipa 'quinas' lakon horikedas minutu 15, bainhira defeza Dimarco konverte penalidade ida ba italianu sira, maibé 'suplente' Buta halo empata, iha 86.
Ho igualdade, Portugál manán agrupamentu, ho pontu lima hanesan ho italianu sira, maibé ho golu bark liu, no sei disputa fatin iha finál Europeu hasoru segundu klasifikadu hosi Grupu B.
Prezensa iha 'meias' kualifika mós selesaun portugeza ba Mundiál sub-20 tinan 2017, ne’ebé sei joga iha Koreia Súl, entre loron 20 maiu no 11 juñu.
Uma-na’in, Alemaña konkista ohin nia pontu tolu dahuluk iha 'poule', bainhira manán Áustria ho 3-0, ne’ebé termina iha kuartu postu, ho rua.
SAPO TL ho Lusa