Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 19.09.19

Portugal fila ba fatin dalima no Timor-Leste iha pozisaun 199 iha 'ranking' FIFA nian

SAPO TL

Portugal fila fali ba fatin dalima iha 'ranking' FIFA nian, ne'ebé fó sai iha loron-kinta ne'e hosi organizmu ne'ebé regula futebol mundial, ho aumentu ida hosi pozisaun ida hafoin vitória sira hasoru Sérvia ho Lituánia.

fifa_desporto.jpg

Iha klasifikasaun anterior, iha Jullu, ekipa "kinas" troka tiha pozisaun ho Uruguai, maibé agora fila fali ba postu dalima, troka fali ho súl-amerikanu sira no haketak de'it ho pontu haat.

 

Béljika kontinua nafatin hanesan líder iha 'ranking' maibé kampeaun mundial Fransa asumi fali postu daruak, troka ho Brazil, no haketak mós ho diferensa ki'ik ida ho pontu neen. Inglatera mantén posizaun dahaat.

 

Kolómbia, ne'ebé treina hosi Carlos Queiroz, kontinua iha ‘top-10’, maski iha diminuisaun ida hosi pozisaun daualuk ba pozisaun dasia.

Selesaun sira seluk ho tékniku portugés sira mantén sira nia pozisaun, kazu sira hosi Koreia-Súl hosi Paulo Bento (pozisaun 37), ho Burkina Faso hosi Paulo Duarte (pozisaun 61) bainhira Bahrain, hosi Hélio Sousa, sa'e pozisaun haat ba posizaun 105.

 

Entre nasaun sira ho lian ofisial portugeza, Cabo Verde iha liu pozisaun di'ak, iha 76, tuir Mosambike, Angola ho Guiné-Bissau, ida-idak ho pozisaun 112, 121 ho 123, bainhira São Tomé & Prínsipe iha pozisaun 190 no Timor-Leste iha pozisaun 199.

 

‘Ranking’ FIFA nian iha loron 19 Setembru:

1. (1) Béljika, 1.752.

2. (3) Fransa, 1.725.

3. (2) Brazil, 1.719.

4. (4) Inglatera, 1.662.

5. (6) Portugal, 1.643.

6. (5) Uruguai, 1.639.

7. (9) España, 1.631.

8. (7) Kroásia, 1.625.

9. (8) Kolómbia, 1.622

10.(10) Arjentina, 1.614

(...)

37. (37) Koreia-Súl, 1.470.

61. (61) Burkina Faso, 1.381.

78. (76) Cabo Verde, 1.315.

105. (109). Bahrain, 1.206.

112. (116) Mosambike, 1.181.

121. (122) Angola, 1.161.

123. (123) Guiné-Bissau, 1.155.

184. (182) Makau, 922.

190. (185) São Tomé & Prínsipe, 905.

199. (201) Timor-Leste, 879.

 

Fonte: Ajénsia Lusa

Comentar:

CorretorEmoji

Se preenchido, o e-mail é usado apenas para notificação de respostas.