Portugal konsege klasifikasaun di'ak liu, Timor-Leste hela iha pozisaun 192
Selesaun portugeza, kampeaun europeu futebol nian, hetan ona nia klasifikasaun di'ak iha ‘ranking’ FIFA nian, ne'ebé fó sai iha loron-kinta, sa'e ba fatin datoluk hosi hierarkia mundial, ne'ebé lidera fila fali hosi kampeaun mundial Alemaña.
Portugal, ne'ebé hetan tiha ona pozisaun datoluk iha ‘ranking’ FIFA nian iha tinan 2010, 2012 ho 2014, iha fulan ida nia laran sa'e ona pozisaun tolu tanba antes okupa pozisaun daneen, maibé dook nafatin hosi nasaun rua ne'ebé okupa fatin dahuluk sira, Alemaña ho Brazil.
Selesaun súl-amerikanu, ne'ebé iha klasifikasaun anterior okupa fatin dahuluk, agora lakon ho jermániku sira, iha ‘ranking’ ne'ebé nasaun sira iha "top-10" muda ona pozisaun sira maibé laiha nasaun foun ida maka tama iha pozisaun 10 dahuluk sira.
Portugal halakon ona Arjentina, visi-kampeaun mundial, ne'ebé tuun hosi pozisaun tolu ba pozisaun haat, Suisa, protagonista boot hosi lista ne'e, tuun hosi fatin dahaat ba dahitu, no Polónia tuun hosi pozisaun haat ba neen.
Béljika sa'e pozisaun haat, hosi fatin sia ba fatin lima, Fransa halo perkursu ida hosi pozisaun 10 ba pozisaun daualuk, la hanesan ho selesaun súl-amerikanu rua: Xile (hosi pozisaun hitu ba pozisaun sia) ho Kolómbia (hosi pozisaun ualu ba pozisaun 10).
Bainhira mantén klasifikasaun to'o fulan-Outubru, Europa sei iha nasaun ualu hosi nasaun ualu hosi série nain ba faze ikus hosi Mundial2018 nian, tanba Rúsia, maski okupa fatin 64 iha direitu ba estatutu ne'e tanba sai hanesan nasaun ne'ebé sei simu eventu.
Iraun, treina hosi portugés Carlos Queiroz, hanesan reprezentante aziátiku di'ak liu, maski tuun hosi fatin 24 ba fatin 25, Burkina Faso, orienta hosi portugés Paulo Duarte, tuun hosi pozisaun 47 ba 49.
Cabo Verde muda maka'as nia pozisaun hosi fatin 114 ba fatin 67, sai nune'e hanesan reprezentante di'ak liu hosi nasaun sira ne'ebé ko'alia lian portugeza, halakon Guiné-Bissau (pozisaun 94), Mosambike (pozisaun 108), Angola (pozisaun 137), São Tomé & Prínsipe (pozisaun 176) ho Timor-Leste (pozisaun 192).
‘Ranking’ FIFA nian iha loron 14 Setembru:
1. (2) Alemaña, ho pontu 1.606
2. (1) Brazil, ho pontu 1.590.
3. (6) Portugal, ho pontu 1.386.
4. (3) Arjentina, ho pontu 1.325.
5. (9) Béljika, ho pontu 1.265.
6. (5) Polónia, ho pontu 1.250.
7. (4) Suísa, ho pontu 1.210.
8. (10) Fransa, ho pontu 1.208.
9. (7) Xile, ho pontu 1.195.
10. (8) Kolómbia, ho pontu 1.191.
(...)
25. (24) Iraun, ho pontu 865.
49. (47) Burkina Faso, ho pontu 663.
67 (114) Cabo Verde, ho pontu 548.
94. (92) Guiné-Bissau, ho pontu 381.
108. (104) Mosambike, ho pontu 309.
137. (138) Angola, ho pontu 219.
176. (178) São Tomé & Príncipe, ho pontu 98.
182. (183) Makau, ho pontu 72.
192. (196) Timor-Leste, ho pontu 40.
Lusa