Qui | 06.07.17
Portugal sa'e ba pozisaun haat iha ranking FIFA nian
SAPO TL
Fatin datoluk iha Tasa Konfederasaun nian permiti sa'e ba pozisaun haat iha tabela.
Portugal sa'e ba pozisaun haat iha ranking FIFA nian, ne'ebé fó sai iha loron-kinta ne'e. Fatin datoluk ne'ebé hetan iha Tasa Konfederasaun nian, prova ne'ebé hotu iha findesemana ikus ne'e, permiti sa'e ona iha tabela ne'e. Iha atualizasaun ikus sira Portugal okupa pozisaun ualu.
Maibé, iha mós mudansa sira seluk. Alemaña agora okupa lideransa hosi ranking, hafoin manán tiha prova ne'ebé halo iha Rúsia, halo Brazil tuun ba pozisaun daruak. Arjentina tuun hosi visi-lideransa ba pozisaun datoluk.
@SAPO Desporto