Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 24.10.19

Portugal tuun ba pozisaun neen iha 'ranking' FIFA nian

SAPO TL

Portugal tuun hosi fatin dalima ba fatin daneen hosi 'ranking' FIFA nian, fó sai iha loron-kinta ne'e hosi organizmu regulador ba futebol mundial nian, iha lista ne'ebé lidera nafatin hosi Béljika, tuir Fransa ho Brazil.

portugal_selecção_futebol.jpg

Selesaun "quinas" nian troka fali pozisaun ho Uruguai, agora ho menus pontu 10 duké selesaun súl-amerikanu, no menus 19 duké Inglatera ne'ebé okupa pozisaun dahaat.

 

Kolómbia, treina hosi Carlos Queiroz, tuun hosi fatin dasia ba pozisaun 10, troka ho Arjentina, bainhira España okupa pozisaun daualu, lakon ho Kolómbia ne'ebé sa'e fatin ida no iha de'it pontu ida hosi Portugal.

 

Entre selesaun sira seluk ho treinador portugés sira, Koreia-Súl, hosi Paulo Bento, tuun pozisaun rua ba fatin 39, Kamaraun, ne'ebé treina hosi António Conceição, sa'e hosi pozisaun 53 ba pozisaun 52, ho Burkina Faso, orienta hosi Paulo Duarte, sa'e pozisaun ida ba postu 60.

Bahrain, ne'ebé treina hosi Hélio Sousa ho ne'ebé iha fulan liubá iha pozisaun 105, sa'e pozisaun haat no hanesan selesaun dahuluk ne'ebé maka sai hosi ‘top-100’, iha fatin 101.

 

Entre nasaun sira ho lian ofisial portugés, Cabo Verde iha pozisaun di'ak liu, iha pozisaun 77, tuir Mosambike, Angola ho Guiné-Bissau, ida-idak iha fatin 112, 120 ho 123, bainhira São Tomé & Prínsipe iha pozisaun 180 ho Timor-Leste iha pozisaun 198.

 

‘Ranking’ FIFA nian iha loron 24 Outubru:

1. (1) Béljika, 1.755.

2. (2) Fransa, 1.726.

3. (3) Brazil, 1.715.

4. (4) Inglatera, 1.651.

5. (6) Uruguai, 1.642.

6. (5) Portugal, 1.632.

7. (8) Kroásia, 1.631.

8. (7) España, 1.625.

9. (10) Arjentina, 1.617

10.(9) Kolómbia, 1.615

(...)

39. (37) Koreia-Súl, 1.466.

51. (52) Kamaraun, 1.409.

60. (61) Burkina Faso, 1.378.

77. (78) Cabo Verde, 1.319.

101. (105). Bahrain, 1.220.

112. (112) Mosambike, 1.181.

120. (121) Angola, 1.161.

123. (123) Guiné-Bissau, 1.155.

180. (190) São Tomé & Prínsipe, 934.

183. (184) Makau, 922.

198. (199) Timor-Leste, 879.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.