Prátika desportu eskolár halai iha ai-laran iha eskola referénsia Aileu – Sentru formasaun
Eskola Referénsia Aileu – sentru formasaun, hala’o iha loron 11 Jullu liu ba, iha perímetru kampo futeból Sabraka Laran, Prátika desportu eskolár halai iha ai-laran dahuluk organiza husi ninia Klube Desportu Eskolár, haktuir komunikadu eskola.
Impresaun ne’ebé imediata no markante sai entusiazmu tebes, ksolok no empenu husi partisipante sira hotu, hahú husi labarik ki’ik sira (pré – eskolár) to’o (tinan 5 nian), husi eventu hahú to’o entrega prémiu sira ne’ebé oferese husi Timor Telecom, informa eskola.
Klube Desportu Eskolár, mosu iha tinan ida ne’e, iha eskolam ne’e maka konsidera katak atividade fízika no desportivu sira iha efeitu ne’ebé pozitivu ba dezenvolvimentu labarik no joven sira hodi domína sira nia hanoin kognitivu, sosiál no afetivu, relevante impatu iha dezempenu eskolár nian, haktuir komunikadu.
Proposta, Klube Desportu Eskolár, ne’ebé hala’o Prátika desportu eskolár halai iha ai-laran ho alunu sira tomak husi eskola ne’ebé simu kedas elementu sira komunidade eskolár nian. Alunu sira adere ho maneira entuziástika, ne’ebé maka halo mestri, estajiáriu no asistente operasionál sira eskola nian hodi empena efetivamente iha organizasaun no dinamizasaun atividade ne’e.
PNTL (Polícia Nacional de Timor - Leste) kolabora iha eventu desportivu ne’e, tanba kestaun seguransa atu nune’e tránzitu labele liu husi fatin ne’ebé hala’o prova ne’e.
Timor Telecom maka patrosina iha eventu ne’e, liuhosi entrega prémiu sira no sertifikadu ne’ebé kontribui hodi rekone dezempenu alunu sira nian.
Eventu ida ne’e hetan prezensa husi populasaun lokál no repórter Rádio Komunidade “Rai Husar” Aileu.
SAPO TL