SAPO Desportu TL

Plinio David De Nes Filho simu Taça Sul-americana, ne’ebé  Conmebol deside atribui  ba emblema brazileiru.

Plinio David De Nes Filho, prezidente Chapecoense, ho plantel futebál sai vítima hosi asidente aéreu iha Kolámbia, iha kuarta-feira ne’e simu Taça Sul-americana, ne’ebé Conmebol deside atribui ba emblema brazileiru.

Asidente ne’e akontese iha 28 novembru, bainhira  aviaun ne’ebé tula klube brazileiru ba enfrenta dezafiu jogu dahuluk  finál Taça Sul-americana, hasoru  Atlético Nacional, monu iha Cerro Gordo, ho kilómetru  17 hosi  aeroportu Medellín, tanba menus kombustível: hamate ema 71 hosi ocupante sira 77.

Entre vítima mortál sira iha laran kuaze jogadór Chapecoense sira hotu, nomós dirijente no jornalistane’ebé akompaña.

Haree ho emosionadu, Nes Filho husu atu  troféu “bele fahe” ho Atlético Nacional, ne’ebé husu ona ba Conmebol atu  entrega títulu ba Chapecoense, no konvida ninia omólogu hosi klube kolombianu, Daniel Jimenez, no reprezentante hotu Atlético Nacional nian, atu sa’e ba palku serimónia hodi foti hotu troféu ne’e.

“Kalan ne’e, ha’u hakarak  agradese ba nasaun hotu, maibé, ho forma ida espesiál no domin -boot, no, hodi naran ami nia klube no ami nia sidade, fahe troféu ho Atletico Nacional ba sira ninia jestu”, haktuir  prezidente da Chapecoense iha serimónia, ne’ebé hala’o iha Luque, Paraguai, ne’ebé realiza moos sorteiu ba edisaun e 2017 Taça Libertadores nian.

Prezidente Conmebol, Alejandro Dominguez, refer  inísiu hosi  gala ne’ebé  trata ho “katak ida nakonu ho sentimentu”.

“Ha’u Admite katak ha’u senti todan bainhira hanoin fila fali, loron hirak liubá, família futebál sei iha lutu”, afirma líder Conmebol iha inísio serimónia no molok entrega troféu ba Nes Filho.

SAPO TL SAPO Desportu