Saltar para: Post [1], Comentar [2], Pesquisa e Arquivos [3]

SAPO Desportu TL

Sex | 15.03.19

Prezidente hosi Komité Olímpiku Japaun nia sai tanba eskándalu

SAPO TL

Prezidente hosi Komité Olímpiku Japaun nian (COJ) sei husik kargu tanba eskándalu ida hosi sosa votu sira ba kandidatura Tókiu nian ba Jogu sira iha tinan 2020, ne'ebé investiga hela hosi justisa franseza, fó sai iha imprensa iha loron-sesta ne'e.

Takeda_desportutl.jpg

Iha deklarasaun sira ba kanal estatal NHK, fonte ne'ebé besik ba prosesu garanti ona katak "hanesan labele evita" saída hosi Tsunekazu Takeda ho baze hosi nia implikasaun iha kazu sosa votu sira.

 

Takeda, ne'ebé prezidi COJ dezde tinan 2001, hanoin kandidata fali ba mandatu foun ida iha fulan-Juñu.

Prezidente COJ, ne'ebé konsidera hanesan autor prinsipal ba vitória hosi kandidatura nipóniku nian, hetan hela investigasaun hosi autoridade fransés sira tanba korupsaun ativu.

 

Iha baze hosi suspeita sira maka pagamentu hamutuk euro millaun 1,8 ba empreza Black Tidings, ne'ebé iha momentu ne'ebá kaer hosi senegalés Massata Diack, prezidente hosi Federasaun Internasional Atletizmu (IAAF), Lamine Diack, nia oan-mane.

 

osan ne'e, ne'ebé tuir dalan ofisial destina ba preparasaun hosi relatóriu rua, karik serve hodi selu membru afrikanu sira hosi COI, liuhosi Lamine Diack nia influénsia, ne'ebé, iha momentu ne'ebá, halo kampaña ba kapital japuneza.

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.