PSG karik tenta kontrata Ronaldo antes Neymar
Antero Henrique, diretór desportivu hosi pariziense sira, ko'alia kona-ba internasional portugés iha janela transferénsia nian.
Neymar la'ós hanesan Paris Saint-Germain nia eskolla dahuluk. Tuir site 'Calciomercato', karik Antero Henrique, atual diretor desportivu hosi pariziense sira nian, halo peskiza ba Cristiano Ronaldo hodi bele halo parte iha futebol fransés.
Iha tempu ida ne'ebé maka jogador Real Madrid nian hasoru hela akuzasaun sira ne'ebé duun katak nia halai hosi fisku españól, dirijente ne'e ko'alia ho internasional portugés hodi hatene nia disponibilidade.
Iha sentidu ne'e, Antero Henrique karik komunika Ronaldo katak sei avansa de'it ho proposta ofisial ida hafoin avansadu desidi husik "merengue sira".
Tanba Ronaldo la halo fali kontaktu, nune'e maka PSG desidi avansa ho kontratasaun sira ba Neymar ho Mbappé.
Fonte: SAPO Desporto