Saltar para: Post [1], Comentar [2], Pesquisa e Arquivos [3]

SAPO Desportu TL

Ter | 09.06.15

Pugilista Henrique Pereira manan 1ͣ medalla ba Timor-Leste iha Southeast Asian (SEA) Games

SAPO TL

Pugilista Henrique Borges Pereira konsege manan ona medalla bronze dahuluk ba Timór, ba kategoria pezu meiu-médiu, iha Southeast Asian (SEA) Games ne’ebé hala’o iha Singapura.





Foto: @trips


 


Ho manan medalla ne’e, nasaun 11 ne’ebé partisipa iha edisaun SEA Games ba dala rua nulu resin-ualu (28ª), sei sa’e hotu ba pódio edisaun tinan ne’e nian, ho ranking medalla ne’ebé sei lidera hosi Singapura.


 


Iha edisaun uluk (partisipa desde 2003) Timor-Leste manan ona medalla 24, ouro tolu, prata haat no bronze 17, no ida ne’e hanesan susesu ida ba iha atividade arte marsiál.


 


Timor-Leste ne’ebé halo parte iha SEA Games desde 2003, manan ona ninia medalla dahuluk iha 2005 (bronze tolu) iha kompetisaun arnis, arte marsiál tradisionál ida ne’ebé hosi Filipina (na’in ba edisaun ne’e).


 


Iha 2009, Timor-Leste manan ona bronze tolu hosi boxe, karate ho taekwondo, iha fali 2011 delegasaun timor-oan manan medalla 7, ouro 1, prata ida nomós bronze haat iha duni kategoria Kempo nomós bronze ida iha taekwondo.


 


Iha 2013, ekipa Kempo Timór nian, manan hikas medalla osan mean iha Kempo.


 


To’o ohin loron, Singapura maka okupa pozisaun dahuluk, tanba manan ona medalla 116 (inklui medalla osan mean 41).


 


SAPO TL ho Lusa

Comentar:

Mais

Se preenchido, o e-mail é usado apenas para notificação de respostas.

Este blog tem comentários moderados.