Rafa Benítez sei treina xinés sira hosi Dalian Yifang
Treinador Rafa Benítez sei asumi komando hosi Dalian Yifang, klube ne'ebé okupa pozisaun 10 iha Liga xineza futebol nian, informa hosi tékniku españól iha nia konta iha rede sosial Twitter.
"Hafoin dalan naruk ida, ami hahú dezafiu foun ida. Ha'u haksolok tanba hahú projetu foun ne'e iha Dalian Yifang", hakerek hosi antigu treinador Newcastle nian, klube ne'ebé nia anunsia ona kona-ba nia saida iha semana ikus, hafoin laiha akordu ida.
Tuir imprensa, Benítez sei "dobra" iha Xina saláriu ne'ebé nia hetan iha Newcastle no ne'ebé iha orden hosi libra millaun neen (euro millaun 6,7) tuir époka.
Iha ekipa xineza, sei hasoru futebolista sira Yannick Ferreira-Carrasco, antigu jogador hosi Atlético de Madrid, no Marek Hamsik, ne'ebé uluk treina iha Nápoles.
Benítez nia anúnsiu akontese liutiha loron ida hafoin Dalian Yifang komunika saída hosi treinador súl-koreanu Choi Kang-Hee, iha momentu ne'ebé ekipa okupa pozisaun 10 iha Liga, lidera hosi Beijing Guoan no ne'ebé Shanghai SIPG, kampeaun ho treina hodi portugés Vítor Pereira, iha pozisaun datoluk.
Iha nia kareira, Benítez iha pasajen sira liuhosi klube sira hanesan Real Madrid, Nápoles, Chelsea, Inter de Milão, Liverpool ka Valência.
Treinador, ho tinan 59, iha lista oioin vitória nian, ne'ebé konsta Champions League ida, Tasa UEFA ida no Liga Europa ida, supertasa europeia ida no Mundial Klube ida, nune'e títulu españól rua no tasa sira iha Inglatera ho iha Itália.
Fonte: Ajénsia Lusa