Rafa: "Ha’u sei lahaluha tinan tolu estraordináriu ne’ebé ita liu hamutuk"
Rafa sei lahaluha "tinan tolu estraordináriu" iha Sporting de Braga.
Foto: © 2016 LUSA - Agência de Notícias de Portugal, S.A.
Internasionál portugés futeból Rafa horisehik husik hela mensajen agradesimentu ba Sporting de Braga ba tinan tolu servisu ba servisu iha klube hosi ne’ebé nia transfere ona iha loron-kuarta ne’e ba Benfica.
"Ha’u labele, nein atu haluha tinan tolu estraordináriu ne’ebé ita liu hamutuk. Hanesan esperiénsia únika ne’ebé halo ha’u sai boot hanesan jogadór no, liuliu, hanesan ema. Ha’u lori sira hotu ne’ebé besik ha’u iha ha’u-nia fuan no, nune’e mós ha’u labele husik, adeptu sira hotu ne’ebé halo Sporting de Braga sai klube fantástiku hanesan agora", hakerek iha rede sosiál Twitter.
No garante sei sai "tan adeptu ida" hosi ‘arsenalista sira', jogadór ne’e agradese mós ba element sira hotu iha klube no dezeja "sorte di’ak no susesu" ba Sporting de Braga.
Rafa, tinan 23, tama ba Braga iha époka 2013/14 no transfere iha loron-kuarta, iha loron merkadu ikus, ba Benfika ho euro millaun 16,4.
SAPO TL ho SAPO Desportu