Real Madrid halakon Inter iha Xina (3-0)
'Merengues' sira manán 3-0, ho golu sira hosi Jesé, Varane no James Rodríguez.
Foto: JOHANNES EISELE / AFP
Real Madrid la fó ipóteze ba Inter.
Merengues sira hahú ninia périplo hosi rai aziátika hanesan dalan di’ak liu, ho vitória foun ida hasoru Inter 3-0, iha estádiu Tianhe, Guangzhou (Xina).
Ho Danilo no Casemiro ne’ebé kompleta jogadór sanulu resin-ida iha inisiál Real Madrid, turma española aprezenta aan ona ho tridente ofensivu ne’ebé kompostu hosi Jesé, Bale no Cristiano Ronaldo. Inter husik ona Icardi no Palacio ho despeza atake nian.
Lanse dahuluk ne’ebé perigu halo ba Real Madrid. Hafoin rekuperasaun bola hosi Kroos, Ronaldo koko atensaun hosi guardiaun Handanovic.
CR7 ativu maka’a durante jogu hala’o, maibé nunka hetan efikaz. Hafoin molok halo jogu liu meia ora, jogadór portugés xuta ninia bola tradisionál "Tomahawk", ho bola livre direitu ne’ebé maka Handanovic halo defeza boot ida.
Iha minutu 29, Real Madrid marka duni golu, ho Jesé hodi finalize hafoin halo serbisu individuál di’ak.
To’o intervalu, guardiaun eslovenu hosi Inter koko atu la taka merengues sira nia vantajen ho hodi halo defeza, ne’ebé sempre uza astro portugés hanesan protagonista.
Ameasa sira hosi Inter durante primeiru tempu sai hosi Kovacic, ho remata hosi área, no Hernanes, iha markasaun bola livre ida. Navas, konsege satan bola rua ho di’ak, hodi evita "nerazzurri" atu empata.
Iha tempu daruak, Benítez prosede ona alterasaun oioin, maibé laiha mudansa: ka bele dehan, ho Real Madrid ne’ebé domina bola. Iha minutu 56, Varane aumenta vantajen, hafoin kruzamentu ida hosi Lucas Vázquez.
Jogu atu besik remata, iha minutu 88, James Rodríguez transforma bola livre ida ho forma exímia no taka kontajen.
Triunfu sem kontestasaun hosi Real Madrid 3-0, ante Inter de Milão ho mamar liu, nune’e maka la aprezenta solusaun ofensiva. Handanovic sai duni hanesan turma italiana ne’ebé di’ak liu. Asaun guarda-rede eslovenu evita katak Inter bele remata jogu ho "bolsu nakonu ka ho vitória". Ho triunfu ida ne’e, merengues la’o ho digresaun iha rai aziátiku.
Ho jogadór sanulu resi-ida Real Madrid: Navas; Danilo, Pepe, Ramos, Marcelo; Isco, Kroos, Casemiro; Jesé, Bale no Cristiano Ronaldo.
Onze do Inter: Handanovic; Montoya, Ranocchia, Murillo, Jesus; Brozovic, Kovacic, Kondogbia; Hernanes; Palacio no Icardi.
SAPO TL ho SAPO Desporto