Sex | 02.01.15
Real Madrid haree hela ba Falcao
SAPO TL
Atu kontrata Falcao, Real Madrid tenki fa'an Benzema nebe iha interesadu barak iha Inglaterra.
Foto: AFP
Radamel Falcao seidauk halakon mehi atu hatais blanco. Iha Inglaterra mosu notísia kona-bá interese hosi Real Madrid iha avansadu kolombianu nebe troka ona Mónako ho Manchester United.
Jornál britániku Daily Star hatete katak merengue sira hanoin hela atu avansa ba kontratasaun avansadu nian, bainhira Manchester United la dedika ba direitu sosa nian iha temporada nia rohan. El Tigre joga iha Manchester tanba empréstimu hosi Mónako.
Atu kontrata Falcao, Real Madrid tenki fa'an Benzema, nebe iha interesadu maka'as iha Inglaterra. Liverpool ho Arsenal iha hela atensaun ba situasaun avansadu fransés ne'e.
ho SAPO Desporto