Real Madrid lídera di’ak liu hafoin manán. Ronaldo marka
Real Madrid, ne’ebé iha menus jogu ida, soma pontu 46, liu haat duké Barcelona no Sevilla, tutuirmalu.
Foto: Lusa
Real Madrid aproveita ho kapáa ninia persegidór sira hodi aumenta tan ninia diferensa iha lideransa Liga Española.
Merengue sira simu no manán Real Sociedad ho 3-0, iha jogu badala 20.ª jornada Liga Española.
Komando Zidane ninia hahú iha Bernabéu hatene ona rezultadu negativu hosi ekipa ne’ebé tuir iha líder. Barcelona empata 1-1 iha Bétis nia-uma, Sevilla lakon ho Espanhol ho 3-1 enkuantu Atlético Madrid empata ho zero hasoru Alavés.
Ekipa Zidane lidera markadór iha minutu 39 hosi Kovacic, liuhosi lanse ne’ebé mosu liuhosi kombinasaun ida entre Cristiano Ronaldo no Benzema.
Portugés marka tan iha tempu daruak, iha minutu 52, bola liu Rulli hafoin pase kapás ida hosi Kovacic.
Morata taka konta jogu nian iha minutu 83 liuhosi ulun hafoin pasa hosi Lucas Vazquez.
Destake ho espulsaun Iñigo Martinez iha minutu 74no golu rua ne’ebé anula ba Real Madrid, ida hosi CR7.
Real Madrid, ne’ebé iha menus jogu ida, hetan pontu 46, liu haat duké Barcelona no Sevilla, tutuirmalu.
SAPO TL ho SAPO Desportu