Real Madrid manan iha Liga española
Benzema ho Cristiano Ronaldo marka golu hosi Real Madrid iha primeira jornada hosi kampeonatu españól.
Karim Benzema marka iha Bernábeu Foto: EPA/JUAN CARLOS HIDALGO
Real Madrid horisehik manan ona Córdoba 2-0, iha jogu hosi jornada dahuluk iha kampeonatu españól ne’ebé hala’o iha Estádio Santiago Bernabéu, ho golu ne’ebé marka hosi Karim Benzema no Cristiano Ronaldo.
Hafoin liu tiha loron tolu lakon iha Supertaça española bainhira joga hasoru Atlético de Madrid, horisehik Real Madrid manan fali Córdoba hodi fila hikas ba eskalaun prinsipál futeból españól hafoin tinan 24.
Iha jogu refere Coentrão lajoga tanba iha ninia ekipa Real Madrid tanba lezaun, maski nune’e ho onze inisiál Cristiano Ronaldo ho Pepe konsege lori ekipa portugés tama ba iha Bernabéu. No ikus mai Karim Benzema, maka marka duni golu iha primeira parte. Bainhira iha minutu 30 Kroos tebe bola ba iha kanto direita no jogadór franses refere simu hodi tebe tama ba baliza.
Cristiano Ronaldo, maski ladun iha ona forsa, maibé konsege marka duni golu ida iha minutu 90, hafoin árbitru ho apitu ba golu anuladu ne’ebé nia marka iha minutu 86, iha jogu ne’ebé joga ho di’ak.
Iha segunda parte, Córdoba – ho golu anuladu ida (69') – jogadór merenge sira kontinua tauk maibé ekipa refere lakonsege muda rezultadu ikus no konsege lakon duni iha "La Liga".
Hanesan ho sira-ninia rival Barcelona, Real Madrid hosi Carlo Ancelotti mós hahú manan.