Real Madrid manán Sevila no aproveita deslize adversáriu nian
Cristiano Ronaldo marka golu ida hosi golu sira ba vitória madrilènes nian.
Foto: Lusa
Real Madrid manán domingu ne’e iha uma rasik hasoru Sevila ho 4-0 no hakbesik ba FC Barcelona, líder Liga futeból española nian, no Atlético Madrid, ne’ebé lakon pontu iha jornada 30.ª.
Cristiano Ronaldo marka, iha minutu 64, segundu golu madridista nian, ne’ebé marka uluk hosi hosi Benzema, iha minutu neen, aumenta tan vantajen hosi Bale, iha 66, no fixa rezultadu ikus hosi Jese, iha 85.
Maski konsege halo golu 28.º iha prova ne’e, ‘kapitaun’ selesaun portagés ne’e estraga penalidade boot ida, iha minutu 58, hafoin Kevin Gameiro moos permite defeza Keylor Navas ba konversaun ho kastigu, minutu 27.
Ho vitória iha uma rasik ne’e, Real Madrid iha ona pontu 66, menus ida duké rivál Atlético Madrid, iha segundu klassifikadu, no menus 10 duké kampeaun FC Barcelona, ne’ebé sei hasoru ‘merengues’ iha jornada oin mai.
FC Barcelona hetan empate ho golu rua iha vizita ba Villarreal, hafoin hetan tiha vantajen ho 2-0, hosi Rakitic no penálti Neymar nian. Bakambu no autogolu ida Mathieu nian halo empate ba formasaun valensiana.
Iha sábadu, Atlético Madrid piór liu, lakon iha uma Sporting Gijón ho 2-1, grasa ba golu Sanabria no Carlos Castro, hafoin Griezman marka uluk golu ba ‘colchoneros’.
Durante iha lorokraik ne’e, Espanyol moos konsege halo reviravolta kazeira ida hasoru Athletic Bilbau, ne’ebé hahú vantajen ida hosi Javier Eraso maibé sofre reviravolta hosi golu Pape Kouli Diop no Felipe Caicedo nian.
Celta Vigo aproveita rezultadu hosi Barcelona hodi sa’e ba sestu lugar, ne’ebé lori pontu ida liu Athletic, maka manán iha Valéncia, ho 2-0. Guidetti no Hugo Mallo halo golu hosi galegus nian.
SAPO TL ho SAPO Desportu