Renato Sanches: " Benfica maka ha’u uma"
Jogadór médiu ne’e sei ba fali Bayern Munique iha époka veraun.
Foto: JOSE SENA GOULAO / LUSA
Renato Sanches, médiu hosi Benfica nian ne’ebé sei ba Bayern Munique iha veraun, hatudu ninia satisfasaun katak sei manan trikampeonatu hosi 'enkarnadu sira' molok bá Alemaña.
"Benfica maka ha’u-nia uma. Ida ne’e hanesan ha’u-nia títulu kampeaun nasionál dahuluk, tanba ne’e ha’u haksolok tebes tanba bele halo parte iha momentu bot ne’e", dehan jogadór médiu ne’e, durante resesaun ba plantel benfikista iha Kámara Munisipál Lisboa.
Kona-ba finál hosi Taça da Liga, Renato dehan katak objetivu maka manan tan troféu ida. “Ami konsentra. Klaru katak ami hakarak manan, no hetan tan títulu ida ba klube ne’e. Ami sei sériu to’o fin”.
SAPO TL ho SAPO Desportu