Rezultadu hosi Torneiu 20 Maiu iha sidade Peterborough, Reinu Unidu
Komunidade timoroan ne'ebé hela iha sidade Peterborough, iha Reinu Unidu, hala'o ona iha loron-domingu liubá, 15 Maiu 2016, torneiu futeból ida hodi selebra tinan 14 ba restaurasaun independénsia Timor-Leste nian.
Vensedór hosi torneiu, FC. Brothers
Vensedór hosi torneiu maka FC. Brothers hosi sidade Great Yarmouth no nia jogadór ida, Benito Costa, sai hanesan markadór di'ak liu ho golu ualu. Valdo Savio, hosi FC. Beltatrez, sai nu'udar jogadór di'ak liu.
Objetivu hosi torneiu maka mantén unidade nasional entre timoroan sira iha diáspora. Torneiu ne'e hetan apoiu hosi árbitru profisional sira hosi Northamptonshire Football Association.
Markador di'ak liu: Benito Costa (FC. Brothers)
Jogadór di'ak liu: Valdo Savio (FC. Beltatrez)
Atu haree imajen sira seluk, klika IHA-NE'E
@SAPO Timor-Leste