Saltar para: Post [1], Comentar [2], Pesquisa e Arquivos [3]

SAPO Desportu TL

Sex | 18.05.18

Ronaldo hakarak selu 14 ME bainhira fisku españól taka investigasaun sira

SAPO TL

Cristiano Ronaldo hato'o proposta pagamentu hamutuk euro millaun 14 bainhira fisku españól taka investigasaun ne'ebé hala'o daudaun ba suspeitu infrasaun fiskal haat ne'ebé karik jogador halo, haktuir hosi El Mundo.

ronaldo_destaketl.jpg

Tuir "fonte sira ne'ebé hatene negosiasaun" ne'ebé rona hosi diáriu españól, fisku españól analiza hela proposta formal ne'ebé halo hosi avansadu portugés hosi Real Madrid.

Cristiano Ronaldo hatudu dispozisaun hodi asumi nia responsabilidade penal no mós kritériu tributáriu sira ne'ebé maka ko'alia iha fulan barak nia laran ho juís instrusaun, dezde fisku hamenus nia pretensaun ekonómiku sira ba besik metade.

Jogador hato'o proposta hodi selu euro millaun 14 ne'ebé inklui fraude ne'ebé maka nia duun no posível kastigu relasionadu.

Cristiano Ronaldo hetan akuzasaun katak, ho dalan "konsiente", kria empreza sira iha Irlanda no iha Illa Virjen britániku sira, hodi halo fraude hasoru fisku españól hamutuk euro 14.768.897, komete fraude haat hasoru kofre sira Estadu españól nian, entre tinan 2011 ho 2014.

Tuir El Mundo, bainhira la hetan akordu ida no jogador hetan kondenasaun, kuantia ne'e bele aumenta, iha senáriu ne'ebé aat liu, ba dala neen duké kuantidade ne'ebé maka deskonfia ba fraude, besik euro millaun 100.

Bainhira ko'alia iha loron 31 Jullu iha tinan liubá iha tirbunal Pozuelo de Alarcón, Ronaldo afirma ona katak "nunka" subar rendimentu sira no laiha "intensaun hodi halai hosi impostu sira".

Portugés subliña ona katak fisku hatene nia rendimentu sira hotu tanba nia nunka subar "buat ida no laiha intensaun halai hosi impostu sira".

Cristiano Ronaldo husu ona iha momentu ne'ebá atu "husik serbisu ho justisa" ne'ebé nia fiar no hein "desizaun justu ida", hodi hatete mós katak sei la halo fali deklarasaun sira kona-ba asuntu to'o iha desizaun ba sentensa ida.

Fonte: Ajénsia Lusa

Comentar:

CorretorEmoji

Se preenchido, o e-mail é usado apenas para notificação de respostas.