Saltar para: Post [1], Comentar [2], Pesquisa e Arquivos [3]

SAPO Desportu TL

Qui | 12.07.18

Ronaldo haruka karta ida ba programa 'El Chiringuito': "Ha'u agradese ba ema hotu ne'ebé maka kritika ona ha’u tanba ita aprende ho buat hotu"

SAPO TL

Jogador portugués sei aprezenta iha Juventus iha semana oin.

 

CartaCR7.jpg

Hafoin despede hosi Real Madrid, Cristiano Ronaldo haruka ona karta ida ba programa televizaun koñesidu ho 'El Chiringuito de Jugones', ne'ebé maka tuir lala’ok jogador portugués nian durante tinan sia ne'ebé maka nia hasoru iha kapital espanhol ne'e.

Programa ne'e mós hatete iha rede sosial katak iha karta nia rohan, Ronaldo garanti ona katak sei kontinua tuir nafatin programa 'El Chiringuito de Jugones' iha Itália.

Lee Ronaldo nian karta kompletu tuirmai ne’e:

“Doben Chiringuito:

Ha'u hahú ona etapa foun ida no ha'u hakarak despede hosi imi ho forma espesial ida tanba imi iha buat ida espesial. Ha'u hakarak agradese ba imi apoiu ne'ebé maka imi sempre fó kuaze hotu kedas. Obrigadu ba ema madridista hotu iha programa ne'e tanba ha‘u senti imi nia forsa iha situasaun barak no ida ne'e ha'u sei la haluha.

Ba Roncero, ha'u hakarak agradese ba ó nia apoiu ho domin lahó kondisaun ne'ebé ha‘u hetan hosi ó nia parte.

Ba Edú ha'u agradese tebes ba buat barak... Tan sai ona ha'u nia defensor no ha'u nia belun.


No ha'u agradese ba ema hotu ne'ebé maka kritika ona ha'u tanba ita aprende ho buat hotu. Carme, Jota, Quim no Soria, imi sai ona hanesan motivasaun boot ida mai ha'u. Ha'u hatene katak ne'e mos halo parte hosi kompetisaun iha desporto nian. Agradese ba imi hotu ne'ebé iha programa ne'e ho kariñu, tanba ha'u gosta surprende admirador sira Cristiano nian, no mós ba sira ne'ebé fo di'ak ho ha'u.

Ba Josep, obrigadu ba o nia defeza, ha'u promete se ha'u to'o iha fin hau sei fó tan entrevista ida. Moris ne'e loroloron fó lisaun no ha'u mós aprende loroloron. Ha'u hakarak susesu maka’as ba programa ne'e, ha'u sei kontinua haree imi iha Itália. Re’in ida hosi ha'u nia família no labele haluha atu haksolok.

Hakuak ida, Cristiano Ronaldo."

Fonte: SAPO Desporto

Comentar:

Mais

Se preenchido, o e-mail é usado apenas para notificação de respostas.