Ronaldo ho Messi nomeadu ba Jogadór Di'ak liu hosi UEFA
Eskolla ikus sei fó sai durante sorteiu ba faze grupu sira nian hosi "Champions" iha loron 28 fulan-Agostu.
Cristiano Ronaldo ho Messi sai nomeadu nafatin ba prémiu jogadór di'ak liu hosi UEFA, ba tinan 2014/15. Brazileiru Neymar mós tama iha lista ba eleitu sira.
Entre nomeadu na'in 10, inklui na'in ualu nebe hanesan finalista hosi final “Champions League” nebe halo Barcelona hasoru Bayern Munique, jogu ida nebe katalaun sira maka mana'an ho 3-1. Ba na'in ualu ne'e iha mós jogadór na'in rua maka: Cristiano Ronaldo hosi Real Madrid ho Eden Hazard hosi Chelsea.
Iha loron 12 fulan-Agostu sei fó sai finalista na'in tolu hosi grupu ida nebe sei hili hosi votasaun jornalista sira hosi nasaun 54 membru sira UEFA nian.
Eskolla ikus sei halo iha loron 28 fulan-Agostu, iha sorteiu ba faze grupu hosi Champions League ba tinan 2015/2016.
Messi (2011), Iniesta (2012), Franck Ribéry (2013) ho Cristiano Ronaldo (2014) maka hetan ona prémiu ne'e.
@SAPO Desporto