Selesionadór olandés vinka ona ho hakraik aan husi Olanda iha jogu ho Méxiku
Louis Van Gaal la poupa elojiu ba sira ninia jogadór sira husi reviravolta dramátika ne’ebé konsege kontra Méxiku iha minutu ikus ninian ba embate oitavu finál husi Mundiál.
Van Gaal sente orgullu tebes husi ninia jogadór sira
Foto: AFP
"Jogadór sira hatudu katak sira fiar ba to’o finál.ami sei la manán se ami la fiar. Iha minutu dahuluk ninian ami hadi’a, halo di’ak liu tán ho mexikanu sira. Ha’u-nia jogadór sira fiar maibé mós sira fizikamente prepara aan ona hodi disputa ká hala’o jogu hadau malu. Sneijder? Maka hanesan jogadór ne’ebé ho maneira di’ak liu iha ekipa, hala’i husi kilómetru balun no sempre halo di’ak no impresionante téknika. Ha’u la sente surpreende", dehan selesionadár olandés.
Kestiona kona-ba karik kandidatura ba títulu, Van Gaal aponta ho laran hakraik-aan husi ekipa. "Favoritu? Komunikasaun sosiál olandeza dehan katak nem pasa hamutu ba faze grupu. Tanba ne’e, ho razaun hanesan daudauk ami agora favoritu? Jogadór sira kontinua hakraik aan, ami sei ba kontinua ami vajen. Ambiente iha ekipa maka di’ak tebes".
Ikus mai, tékniku lakohi hatudu preferénsia hasoru adversáriu tuir mai, karik nia hasoru Kosta Rika ká Grésia. "Husi adversáriu rua ne’e ida maka sei sai susar ba nia. Karik la halo ho di’ak , ekipa rua ne’e sei la hakata to’o iha oitavu finál", konklui.
Sapo TL ho SAPO Desporto