Sevilha: Bacca marka golu rua bainhira halakon Granada
Sevilha halakon Granada no halo presaun ba Valência iha kampeonatu españól.
Foto: Jose Manuel Vidal
Avansadu Sevilha nian marka golu rua bainhira hasoru Granada iha vitória 5-1.
Sevilha simu no manán Granada ohin dadeer, 5-1, no ninia pozisaun provizóriu sa’e ba kuartu lugár hosi Liga española futeból, hodi fó presaun ba Valência, ne’ebé ohin joga hasoru FC Barcelona, iha jogu ba dala 13.
Avansadu kolombianu Carlos Bacca, marka golu “rua” iha minutu 24 no 79, sai hanesan figura prinsipál iha jogu hahú bainhira portugés sira Beto, Daniel Carriço no Diogo Figueiras sai titulár iha ekipa uma-na’in.
Banega, iha minutu 65, Mbia, 89, no Kevin Gameiro, bainhira aumenta 90+2, hodi ajuda aumenta manán, enkuantu El Arabi halo tentu de onra hosi Granada, iha minutu 42, bainhira marka penalti ida.
Ho rezultadu ne’e maka, Sevilha sa’e ba kuartu lugár no provizoriamente hodi hakat liu Valência, treinadu husi portugés Nuno Espírito Santo, joga hasoru FC Barcelona iha ninia kampo.
Molok, kampeaun Atlético Madrid manán Deportivo da Corunha 2-0, iha jogu n’ebé hala’o tanba konfrontu entre adeptu sira molok hala’o jogu, hamate ema na’in ida.
Ho vitória, formasaun kápitál refere provizoriamente sa’e ba segundu lugár, agora ho pontu 29, hela pontu haat ne’ebé Real Madrid, ne’ebé hala’o iha loron-Sábadu ba Málaga nia kampo hodi manán 2-1, liu pontu ida duke FC Barcelona.
Iha dadeersan, molok jogu, konfrontu violentu entre adeptu sira hosi klubu rua maka hamate ema ida, mane ida ho tinan 40 mate iha ospitál San Carlos, ne’ebé la hamosu kardíaka.
Vicente Calderón – iha violénsia ne’ebé akontese iha dalan sira Madrid nian, ne’ebé halo sira la simu Atlético no huso Liga española -, madrilène sira, ho Tiago sai titulár, hodi sira marka iha minutu tolu molok intervalu, hosi intermédiu Saúl.
Hafoin minutu sanulu atu kontinua, turkia Arda Turam marka anfitriaun daruak nian no hodi kastigu jogu, hodi hamosu krize rezultadu hosi “Depor”, ne’ebé lakon jogu lima (empata rau).
Hosi formasaun galega, treinadór Víctor Fernández aposta portugés na’in tolu iha jogadór “sanulu resin-ida” jogu hahú mak: Luisinho, Ivan Cavaleiro, sai iha minutu 77 hodi fó fatin ba Toché, no Hélder Postiga.
Ho lakon ida ne’e, Deportivo mantén iha 18.º no sai antepenúltimu lugár, ho pontu 10, nune’e mós ba Almeria, klube ne’ebé okupa iha pozisaun ikus liu husi zona permanénsia no iha loron-segunda oin mai sei joga hasoru Rayo Vallecano, iha jogu ne’ebé atu taka jogu ida ne’e.
SAPO TL ho SAPO Desporto