Sidade xineza hamutuk 13 prepara hela ba eventual mundial futebol nian iha nasaun
Sidade xineza hamutuk 13 hatudu ona interese hodi simu jogu sira bainhira nasaun organiza edisaun ida hosi Kampeonatu Mundu futebol nian, reforsa posibilidade hosi Xina konkore hodi organiza eventu hafoin tinan 2030, informa hosi imprensa lokal.
Planu sira hatudu katak sidade xineza oioin apoia hipotétiku kandidatura ida hosi nasaun ne'e ba Kampeonatu Mundu nian no sei lansa planu sira dezenvolvimentu urbanístiku nian no desportivu nian hodi hanoin ba objetivu ne'e, haktuir hosi jornal Global Times.
Governu xinés hakarak tau selesaun futebol entre "ekipa sira ne'ebé di'ak liu iha mundu to'o tinan 2050", iha ámbitu hosi planu ida hodi lori Xina ba estatutu hosi poténsia boot, ne'ebé hetan ona iha modalidade sira seluk.
Organizasaun hosi Mundial ida hanesan objetivu ida hosi nasaun ne'e.
Maibé, Xina pertense ba konfederasaun ida hanesan ho Qatar, ne'ebé sei organiza Mundial 2022, nune'e labele konkore ba organizasaun hosi kampeonatu hosi tinan 2026 no 2030, tanba regra atual hosi rotatividade entre kontinente sira.
Xina nia partisipasaun iha mundial sira rezumi iha edisaun tinan 2002, ne'ebé hala'o iha Koreia-Súl ho Japaun ne'ebé hotu ho pontu zero.
ho Lusa