Sorteiu ba 'play-off' europeu ba Mundial2018 ajenda ba loron 17 Outubru
Sorteiu ba 'play-off' europeu ba asesu Kampeonatu Mundu futebol nian tinan 2018, iha Rúsia, sei hala'o iha loron 17 Outubru, iha Zurique, iha Suisa, fó sai hosi FIFA iha loron-kuarta ne'e.
Ho vensedór sia hosi grupu sira kualifikasaun nian, ne'ebé tama direta, hatene iha loron 10 Outubru, seidauk defini vaga haat ne'ebé sei disputa hosi nasaun sira ne'ebé tama iha klasifikasaun daruak di'ak liu iha ‘play-off’ parte rua ne'ebé maka marka ba loron 09 no 14 Novembru.
Iha sorteiu, ekipa ualu sei fahe ba grupu rua, tuir nia klasifikasaun iha "ranking" ne'ebé maka sei hatene loron ida antes.
Selesaun portugeza tama iha pozisaun daruak iha Grupu B, ho pontu 21, menus pontu tolu duké líder Suisa. Portugal simu Suisa iha Estádio da Luz iha loron 10 Outubru, liutiha loron hafoin vizita Andorra.
ho Lusa