Terry no Fàbregas oferese "prezente" Natal ba Mourinho
Chelsea halakon Stoke City ho 2-0 no rekupera vantajen ho pontu tolu hodi liu Manchester City.
Foto: EPA
Fàbregas maka marka golu daruak nian iha jogu.
Chelsea ohin dadeer ba joga iha Stoke City nia kampo hodi manán 2-0, rezultadu ne’ebé permite ekipa José Mourinho rekupera vantaje ho pontu tolu liu vise-líder Manchester City.
John Terry kabsada hodi halo 1-0 hafoin joga minutu rua, bainhira xuta bola kantu ida hosi Fàbregas. Médiu españól ne’ebé maka taka rezultadu iha minutu 78, ho remata bola ida ne’ebé pasa hosi Eden Hazard.
"Kamizola azul" maka lídera tabela klasifikativa hosi Premier League, ho pontu 42, no sei tama fali ba kampo iha Sesta ba tradisionál "Boxing Day". Sei hasoru West Ham, iha dérbi londrino ne’ebé sei joga iha Stamford Bridge.
SAPO TL ho SAPO Desporto