Timor-Leste partisipa iha segunda edisaun Jogu Sudeste Aziátiku
Atleta timoroan besik 40, inklui selesaun futeból sub23, no reprezentante iha modalidade neen seluk, hahú iha loron-sesta sei partisipa iha edisaun XXVIII Jogu Sudeste Aziátiku (SEA Games), ne’ebé sei hala’o iha Singapura.
Aleinde ekipa futeból delegasaun timoroan inklui mós atleta besik 20 ne’ebé sei reprezenta Timor-Leste iha edisaun tinan ne’e: basketeból, boxe, siklizmu, taekwondo, atletizmu no pencak silat, forma tradisionál artes marsiál komun iha rejiaun.
SEA Games, ne’ebé hala’o iha kada tinan rua envolve partisipante sira hosi nasaun sanulu resin ida iha sudeste aziátiku, sai reguladór ba Federasaun Jogu Sudeste Aziátiku, ho supervizaun Komité Olímpiku Internasionál no Konsellu Olímpiku Ázia nian.
Realiza ba dala uluk iha Tailándia iha tinan 1959 jogu moris hahú iha ne’ebá hosi nasaun 6 ba 11 (Timor-Leste maka tama ikus liu iha tinan 2003), hosi desportu 12 ba 35 no hosi atleta 650 ba besik 4800.
Tailándia maka nasaun ne’ebé simu edisaun barak liu (neen) no Indonézia nasaun ne’ebé ho o vitória globál barak liu (dala 10 desde 1977), ho rekorde maior númeru medalla osan mean (194).
To’o tinan 1977 jogu konta ho partisipante hosi Kambodia, Laos, Malázia, Myanmar, Singapura, Tailándia no Vietname, no hamutuk ho Brunei, Indonézia no Filipina iha tinan ne’e.
Edisaun tinan ne’e marka eventu ba Singapura, hafoin tinan 22, ho realizasaun eventu 402 resin, balun hosi sira ne’e hala’o duni molok serimónia ofisiál abertura, iha loron-sesta.
Konsede ona medalla ualu iha desportu hanesan esgrima, ténis meza no natasaun, ho Singapura lidera kuadru medalla ho osan mean rua, osan mutin bronze ida.
Selesaun futeból timoroan nian disputa ona enkontru rua, no lakon hotu rua ne’e ho Malázia (1-0), iha loron 30 maiu, no ho Tailándia, ho rezultadu ne’ebé hanesan iha loron-segunda.
Ohin joga kontra Brunei.
SAPO TL ho Lusa