Saltar para: Post [1], Comentar [2], Pesquisa e Arquivos [3]

SAPO Desportu TL

Qua | 17.04.19

Timor-Leste sai hanesan nasaun 188 ne'ebé ratifika Konvensaun Internasional kontra Doping

SAPO TL

Timor-Leste sai ona hanesan nasaun 188 ne'ebé maka ratifika Konvensaun Internasional hasoru Doping iha Desportu, informa hosi Organizasaun ONU nian ba Edukasaun, Siénsia ho Kultura (UNESCO) iha komunikadu.

dili_timor.jpg

"Ami senti satisfeitu tanba Timor-Leste hatudu nia kompromisu ho antidoping", hatete hosi prezidente hosi Organizasaun Mundial Antidoping (WADA, iha sigla ho lian inglés), Craig Reedie.

 

"Kuaze governu sira iha mundu promete ona hodi apoia limpeza hosi desportu no promete ona hodi garanti atu Konvensaun UNESCO nian sei implementa no sei hala'o ho dalan efikaz iha sira nia nasaun", nia hatete.

 

Adoptadu iha tinan 2005, konvensaun hanesan dalan prátiku ida hodi nune'e governu sira formaliza sira nia kompromisu ho luta kontra doping, hodi permiti tuir polítika nasional sira hanesan Kódigu Mundial Antidoping.

 

Ho adezaun hosi Timor-Leste, iha de'it nasaun hitu iha mundu ne'ebé seidauk ratifika konvensaun, inklui nasaun luzófonu rua: Guiné-Bissau, Mauritánia, São Tomé & Prínsipe, Sudaun-Súl, Afeganistaun, Líbanu ho Niue.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.