Timor prepara festa boot ba final
Timor-Leste prepara hela festa boot ida hodi akompaña final Euro2016 nian, halo instalasaun iha fatin oioin hodi haree transmisaun diretu jogu nian iha fatin hamutuk 50 resin hodi apoia selesaun portugeza.
Imajen hasai hosi vídeo Lusa nian ne'ebé halo hosi António Sampaio
Apoia ida ba selesaun portugeza ne'ebé bele haree iha fatin oioin, inklui ida ne'ebé tau iha muru sentral sira iha Palásiu Governu nian, iha Díli, ne'ebé bele le "O povo de Timor-Leste deseja a Portugal a taça nesta grande final do Euro2016".
Iha estrada sira bele haree bandeira portugés sira, iha fatin oioin, no karreta, motor no mikrolet sira (transporte públiku tradisional sira) ho bandeira portugés nian.
Xanana Gusmão, ne'ebé hatais kamizola ida hosi Boavista Futebol Clube de Timor-Leste - maibé garabti katak iha kalan nia sei hatais kamizola ida hosi SLB - komanda hela inisiativu ida ne'ebé, nia insisti katak, la'ós hosi Governu maibé "hosi nasaun tomak nian".
"Ne'e la'ós hosi Governu, maibé hosi ema tomak, hosi empreza sira, hosi sosiedade sivil hodi fó apoiu ba selesaun", nia esplika ba Lusa.
Ekran boot ida prepara hela iha Centro de Convenções iha Díli no hahú tuku 00:00 sei marka prezensa hosi "ema importante sira".
Situasaun hanesan akontese iha teritóriu tomak ne'ebé sei akompaña jogu iha fatin oioin.
Iha Díli, sei iha múzika no transmisaun hosi rezumu sira hosi jogu Portugal nian no Fransa to'o final, "hodi anima ema sira".
Komunidade portugeza sei fahe entre CCD no pelumenus fatin rua ne'ebé antes transmiti jogu sira seluk, liuliu iha Doce Tentação, iha sede Sport Dili e Benfica, no iha Hotel Timor.
Debate entre ema barak maka hahú festa loron ohin nian hodi aguenta to'o oras jogu nian ka balun toba oituan hodi senti "fresku" iha tuku 04:00 oras lokal.
Portugal iha loron-domingu ne'e buka haluha "trauma" tinan 2004 nian no konkista ba dala uluk Kampeonatu Europeu ida, iha final ida ne'ebé tenki halo kontráriu rezultadu negativu hasoru anfitriaun Fransa, iha Stade de France, iha Saint-Denis.
ho Lusa