Timor Telecom entrega material desportivu ba Fundasaun Real Madrid
Fundasaun Real Madrid hola parte ba projetu ida hosi Sekretaria Estadu Juventude no Desportu, ne’ebé hodi hala’o formasaun ba treinadór sira hosi Real Madrid iha tinan kotuk.
Haree ba alunu sira ne’ebé aumenta tan hosi eskola sira ne’ebé iha, sei falta materiál desportivu ba halo treinu. Atu minimiza situasaun ida ne’e Timor Telecom iha disponibilidade hodi oferese bola futeból nian 100 no pasta 100 ba alunu sira iha eskola Manleuana.
Serimónia entrega materiál desportivu hirak ne’e hala’o ohin dadeer (29 Janeiru 2015) iha kampo futeból Manleuana, Díli no marka prezensa hosi Diretór Marketing no Komunikasaun Timor Telecom, Bernardino Machado, hosi diretór nasionál SEJD, João Rodrigues no asesór tékniku SEJD, Nélson Silva.
Eskola FRM rua iha Timor-Leste maka funsiona hela, Manleuana-Díli,
no ida seluk iha Maliana, ho alunus totál 550, entre sira ne’e maka ho tinan 8 to’o 16.
Iha tinan 2015 Sekretaria Estadu Juventude no Desportu sei ba loke eskola foun rua iha Aileu no ida seluk iha Manatuto, maibé ladauk fó sai data kona-ba loke eskola.
Haree foto hosi Serimónia entrega iha ne'e:
Foto: Epifânio Sarmento @SAPO Timor-Leste
Fonte: SEJD