Saltar para: Post [1], Comentar [2], Pesquisa e Arquivos [3]

SAPO Desportu TL

Sex | 16.01.15

Torres hasai Real iha kalan konsagrasaun CR7 nian

SAPO TL

Ronaldo halo golo daruak “merengues”, nian ne’ebé tama pratikamente lakon iha parte dahuluk nune’e mós iha parte daruak.





   A festa do Atlético de Madrid    Foto: PIERRE-PHILIPPE MARCOU


 


Real Madrid iha loron-kinta ne’e hasai hosi Taça do Rei hosi nia rivál hosi sidade ne’ebé hanesan, Atlético, hafoin empata (2-2) iha jogu daruak hosi oitavu finál, forma agregadu ida ho 4-2 iha liman rua. Golu sira marka hosi Fernando Torres (1’ no 46’) ba vizitante sira no Sérgio Ramos (20’) no Ronaldo (54’) ba ema sira iha uma.


 


Iha kalan ne’ebé komesa ho lían osan-mean no ho basa liman hosi adeptu sira madrilenu ba Cristiano Ronaldo (ne’ebé simu Bola de Ouro iha loron-segunda kotuk) hahotu ho mata-been. James Rodríguez (prémiu Puskas), Sérgio Ramos no Toni Kroos (ekipa tnan nian) mós hatudu sira nia prémiu. Real Madrid tama pratikamente lakon iha enkontru iha ne’ebé presija manan, hafoin lakon iha jogu dahuluk ho 2-0.


 


Portugés ne’e sai hanesan titulár, iha formasaun uma nian, nune’e mós ho Pepe no eis-portista James Rodríguez. Iha formasaun maka orienta hosi Diego Simeone, Tiago okupa meiu-kampu, nune’e mós eis-benfikista Oblak no Siqueira.



Esperansa sai fali dezesperu iha kedas minute dahuluk hosi enkontru ne’e, wainhira Torres loke markadór, hafoin kruzamentu rasteiru hosi Griezmann ba poste daruak. Español ne’e marka nune’e nia golu dahuluk hahú kedas iha nia fila ba España no iha kedas uma rival bo’ot nian. “Remontada” ne’e oras ne’e imposível, buat ne’ebé hotu ho prova.


 


Iha 20’, no hafoin hosi “merengues” iha iha ona situasaun relativu perigu par ida, Sérgio Ramos halo hanesan iha partida iha sekuénsia kantu ida. Oblak haree ba aat tebes iha fotografia, tanis kontra kompañeiru ekipa nian ida no husik baliza livre. Tiago mós hetan nia doze kulpa nian iha lanse wainhira falla ho korte ne’ebé hakotu ho golu sentrál español nian.


 


Golu ne’e halo “rojiblancos” sira sai desnorteadu no formasaun Carlo Ancelotti nian haforsa liutan presaun, ho oportunidade par ida ne’ebé bele hotu iha golu. Atlético hakiduk demais liu no “blancos” sira tenta fatura ho maneira no feitiu hotu, maibé solidária defeza vizitante sira nian aguenta ho presaun.


 


Parte daruak, ida ne’ebé fotokópia ida ne’ebé, komesa hikas ho golu Torres nian (46’) no hafoin lakon bola defensiva Real Madrid nian ida. 2-1. Maibé, orgulu maka “Real” no empata mosu hafoin hosi ida Ronaldo (54’), ne’ebé uitoan tan halo iha jogu. Kruzamentu perfeitu hosi Bale no internasionál luso faktura ho ulun no halo nia golu 34.º iha époka ne’e.


 


Realsa mós katak sentrál sira Sérgio Ramos no Pepe (sai kanek iha 59’) halo jogu ida ne’ebé todan no falla tebes iha altura wainhira sai ho bola, situasaun ne’ebé hamosu golu ne’ebé sofre.


 


Enkontru ne’e kontinua morna no ho múzika ne’ebé hanesan. “Merengues” sira halo ida ne’ebé compete ho sira no presiona no Atlético de Madrid defende, no di’ak. Iha area kiik, Benzema sei iha oportunidade ida tan, maibé nia haruka bola ba kalohan, hafoin falla kabeseamentu iha faze dahuluk.


 


Atlético de Madrid tuir ho justisa ba quartos-de-final hosi prova, iha ne’ebé sei hasoru manan na’in hosi enkontru entre Elche no Barcelona ne’ebé mós sei hadau malu iha loron-kinta ne’e.


 


Sapo TL ho Sapo Desportu

Comentar:

Mais

Se preenchido, o e-mail é usado apenas para notificação de respostas.