Saltar para: Post [1], Comentar [2], Pesquisa e Arquivos [3]

SAPO Desportu TL

Seg | 17.06.19

Totti husik kargu nu'udar diretor tékniku Roma nian

SAPO TL

Diretor tékniku Roma nian, Francesco Totti, anunsia iha loron-segunda ne'e katak sei husik kargu, tanba nia opiniaun sira la hetan konsiderasaun hodi hili treinador foun hosi ekipa futebol nian, portugés Paulo Fonseca.

totti_futebol2019.jpg

"To'o ona loron ne'ebé ha'u hanoin nunka akontese", Totti hatete iha konferénsia imprensa, hodi admiti katak nunka iha "oportunidade hodi hatudu opiniaun sira" iha asuntu sira ne'ebé relasionadu ho kontratasaun sira ka despedimentu sira treinador sira nian no futebolista sira nian.

 

Tuir komunikasaun sosial italianu, desizaun hosi Totti, tinan 42, akontese tanba kontratasaun hosi tékniku portugés Paulo Fonseca, ne'ebé formaliza iha semana liubá.

Tuir fonte hanesan, Francesco Totti hakarak haree treinador italianu Gennaro Gattuso, kolega antigu hosi selesaun, iha banku Roma nian.

 

Totti nia demisaun hakotu ona relasaun ida tinan 30 nian ho klube, fatin ne'ebé nia sai formadu no ne'ebé nia reprezenta durante époka 25 nu'udar jogador.

 

Fonte: Ajénsia Lusa

Comentar:

Mais

Se preenchido, o e-mail é usado apenas para notificação de respostas.