Trump admiti fó perdaun póstumu ba Muhammad Ali
Antigu pujilista hetan kondenasaun iha dékada 1960 tanba lakohi kombate iha funu Vietnam nian.
Prezidente Estadus Unidus nian, Donald Trump, admiti iha loron-sesta ne'e posibilidade hodi fó perdaun ida hafoin mate ba lendáriu pujilista Muhammad Ali, ne'ebé hetan kondenasaun iha dékada 1960 tanba lakohi kombate iha funu Vietnam nian.
Trump hatete mós katak sei rona proposta sira hosi "ema sira ne'ebé hetan ona tratamentu la justu hosi justisa" norte-amerikanu nian, diriji ba jogador sira futebol profisional nian, ne'ebé protesta ona hasoru injustisa rasial iha nasaun hodi hakneak durante kanta hinu nasional.
"Ha'u hanoin hela [hodi fó perdaun] ba Muhammad Ali. No mós ba kazu sira seluk", fó sai hosi Prezidente Estadus Unidus nian ne'ebé koloka ona White House "analiza naran rihun resin" hosi ema sira ne'ebé hetan tratamentu la justu hosi sistema justisa.
Cassius Marcellus Clay Jr., moris iha loron 17 Janeiru 1942, iha Louisville, Ali muda naran no konverte ona ba Islaun iha dékada tinan 1960, lakohi kombate iha funu Vietnam nian, iha tinan 1967, bainhira deklara aan hanesan rekuza konsiénsia nian.
Hanesan konsiénsia, nia lakon lisensa no títulu mundial hosi pezu todan no batalla jurídiku hosi Ali - ne'ebé mate iha tinan 2016 - hotu de'it iha tinan 1971, bainhira Supremu Tribunal reverte ba kondenasaun inisial ida ba kadeia tinan lima nia laran.
Fonte: SAPO Desporto