Saltar para: Post [1], Pesquisa e Arquivos [2]

SAPO Desportu TL

Sex | 23.10.15

Virginia da Graça da Cruz reprezenta Timor-Leste iha Fórum Juventude UNESCO

SAPO TL

Komisaun Nasionál hosi UNESCO nian iha Timor-Leste nomeia Virginia da Graça da Cruz ( ne’ebé serbisu iha SportImpact hanesan dinamizora prinsipál hosi Projetu Desportu ba Moris) maka sai nu’udar reprezentante Timor-Leste ba iha Fórum Juventude UNESCO nian ne’ebé sei hala’o iha sede UNESCO, Paris, Fransa, hosi loron 26 to’o 28-outubru-2015.





 


 


Virginia nu’udar dinamizadora prinsipál hosi SportImpact ba Projetu Desportu Moris nian, sei fó workshop ida hanesan “Guia hodi organiza eventu desportivu” iha munisípiu hothotu. Workshop ne’e, hanesan mos moris loroloron nian, transmite ninia enerjia, paixaun no iha postura ativa ida ba dezenvolvimentu Timor-Leste ho ninia povu. 


 




Virginia mos organiza eventu hothotu kona-ba Desportu Moris nian, nia buka atu hetan partisipasaun hosi labarik sira nomós halo kordenasaun ho parseria oioin hodi ko-organiza eventu ne’ebé seguru, divertidu no foka liu ba kiik-oan sira, atu hodi koko atividade desportiva oioin hamutuk ho dinamizadór hirak ne’ebé iha kualidade di’ak.


 





Virginia fó kontribuisaun ne’ebé bot tebes ba dezenvolvimentu juventude nomós kapasitasaun iha Timor-Leste. Ami fi’ar katak iha Fórum Juventude UNESCO ne’e, nia bele fó inspirasaun ba ninia kolega hothotu iha mundu, no sei nafatin inspirasaun no hafoun ninia enerjia hodi harii nasaun no mundu ne’ebé di’ak.


 






Kona-ba Fórum Juventude UNESCO




“Fórum Juventude UNESCO harii iha tinan 1999 hodi fó oportunidade ba joven hodi aprezenta sira-ninia preokupasaun no ideia ba estadu membru sira no ajuda loke dalan UNESCO nian”.


Kada tinan rua, joven hosi estadu membru 195 maka halibur hamutuk iha Paris, sede UNESCO nian, hodi diskuti no debate kona-ba área temátika ne’ebé sai hanesan sira-ninia preokupasaun.


Fórum ne’e kria ona asaun oioin ne’ebé membru sira simu no hato’o durante Konferénsia Jerál UNESCO nian. Asaun hirak ne’e bazeia ba dezafiu ne’ebé joven sira hasoru iha mundu ohin loron nian.


Tema prinsipál hosi 9º Fórum Juventude UNESCO maka “Joven sira hamutuk hodi kria Mundu ne’ebé di’ak liu tan”.





Fonte: http://en.unesco.org/9th-unesco-youth-forum





Kona-ba SportImpact


 


SportImpact hanesan negósiu sosiál ho misaun atu promove dezenvolvimentu umanu liuhosi desportu. Fundadór maka espesialista sira iha jestaun desportu, empreendedorizmu sosiál no jestaun konflitu, ho esperiénsia internasionál oioin atu dezenvolve desportu iha país sira hanesan Timor-Leste, Afeganistaun, Brazíl, Portugál no Singapura.


 


Atu haten liutan informasaun: Sportimpact  | www.facebook.com/sportimpact.org


 


Kontatu: events@sportimpact.org, Tel. (+670) 7801 4000


 


Fotos: SportImpact