Saltar para: Post [1], Pesquisa e Arquivos [2]

SAPO Desportu TL

Seg | 15.09.14

Vitória de Guimarães 1-1 FC Porto

SAPO TL

Vitória de Guimarães ho FC Porto ohin empata ho 1-1 iha jogu hosi kaurta jornada I Liga ne’ebé hala’o iha Estádio D. Afonso Henriques. Golu rua ne’ebé marka hosi Jackson no Bernard, akontese durante penalidade.



  


Lopetegui sateia durante jogu                                      Foto: José Coelho/Lusa




Kona-ba jogadór sanulu resin-ida ne’ebé Julen Lopetegui aprezenta kontra Moreirense iha Dragão, Ricardo Quaresma nafatin iha banku suplente – no nia la joga -, Brahimi maka troka extreme portugés ne’e. Adrián López lakonsege konvoka ba opsaun téknika no tanba ne’e maka Quintero ba fali jogadór españól ninia fatin.


 


Jogadór Dragaun sira lakonsege joga sai hosi koredór sentrál. Tanba ne’e maka Bernard maka domina jogu iha inisiu.


 


Besik minutu 30, árbitru Paulo Baptista tenke huu apitu hodi hapara jogu tanba mosu konlfitu iha bankada ne’ebé klake hosi ekipa miñota sira tuur ba. Polísia tenke halo intervensaun kedas hodi hapara situasaun violent ne’e, maski adeptu balun foti kadeira no tuda hasoru polísia hirak ne’e.


 


Iha primeira parte hanesan momentu di’ak ba ekipa rua. Dragão sira agresivu tebes iha parte ofesniva no jogadór miñotu halo organizasaun di’ak iha kampo laran. Nune’e mós hanesan momentu di’ak ba guarda-rede Douglas no Fabiano


Iha segunda parte, bainhira tama ba minutu 60 FC Porto konsege marka golu penalidade liu hosi Jackson Martínez. Bainhira Brahimi tama ba iha área no ka’er hosi Bruno Gaspar.


 


Hanesan ho FC Porto, Vitória de Guimarães mós hatama golu liu hosi penalidade, no golu refere aponta hosi Bernard. André André monu iha área ne’ebé ladun ofensivu hamutuk ho Jackson, maibé árbitru ho apitu katak ne’e penalty, tanba ne’e maka hetan protesta maka’as hosi treinadór  portista Lopetegui.


 


Iha minutu 90 Aboubakar tama ba ekipa FC Porto hodi troka fali ninia kolega ida.


 


Jogu ne’e termina ho empata tanba ne’e maka halo ekipa haat hakat ba liña oin ho pontu 10 hanesan: Rio Ave, Benfica, Vitória de Guimarães no FC Porto.


 


SAPO TL ho SAPO Desporto