Zidane: "Ami seidauk manán buat ruma"
Real Madrid no Atlético Madrid sei hasoru malu iha finál iha Milaun, loron 28 maiu.
Foto: EPA/JuanJo Martín
Treinadór Real Madrid sente satisfeitu ho pasajen ba finál Liga Campeões, maibé realsa katak seidauk iha motivu atu festeja.
“Hatene katak ami teki sofre, maibé ami konsege apuramentu. Ha’u kontente ho esforsu jogadór, sira merese. Adeptu sira espesiál tebes iha Bernabéu, ne’ebé apoia jogadór sira hosi primeiru to’o minute ikus. Ami Sofre hamutuk to’o finál”, hatete Zinedine Zidane.
Zidane koalia lia-fuan balun kona-ba Cristiano Ronaldo: “Nia komprometidu ba buat hotu ne’ebé nia halo, sei nafatin hanesan ne’e. Maibé tenki valoriza moos servisu defensivu ekipa nian”.
Real Madrid tama ba finál Liga Campeões. "Merengues" manán City ho 1-0, iha jogu badaruak meias-finais, hafoin 0-0 iha primeiru jogu. Ho tentativa Bale nian koloka turma "blanca" ba rota títulu 11º. Iha finál ne’ebé sei realiza iha Milaun ne'e, hamosu fila fali finál ne’ebé iha Lisboa, manán hosi Real Madrid hasoru Atlético, ekipa ne’ebé elimina Bayern Munique.
SAPO TL ho SAPO Desportu