Zidane: "Ha'u la hatene hakfuik sira ba Cristiano Ronaldo hanesan justu ka la'e"
Treinador fransés afirma ona katak la hatene katak hanesan justu ka la'e trosa sira ne'ebé halo ba jogadór di'ak liu iha mundu, hafoin jogu rua ne'ebé ladún di'ak hosi internasional portugés.
AFP Photo@ Kazuhiro Nogi
Treinador Real Madrid nian, Zinedine Zidane, la fó valor ba hakfuik sira ne'ebé Cristiano Ronaldo simu, tanba jogu rua ne'ebé ladún iha rezultadu di'ak. Maibé, tékniku "merengue" nian hatete kona-ba importánsia hosi adeptu sira iha jogu sira ekipa madrilenu nian ne'e.
"Ita hotu serbisu hodi halo máximu no atu adeptu sira mai ajuda ami. Ha'u la hatene justu ka la'e hakfuik sira ne'e, iha nafatin no sei la muda. Maibé ami presiza apoiu hosi adeptu sira", Zidane hatete, iha antevizaun hosi jogu loron-kuarta, ne'ebé Real Madrid sei hasoru Celta de Vigo, iha jogu daruak hosi kuartu-final Copa del Rey.
Treinador konfirma ona katak internasional portugés disponível ba jogu no sei joga duni, tanba "blanco sira" sei hakarak joga di'ak hodi muda rezultadu lakon nian 2-1, ne'ebé sira hetan iha jogu dahuluk eliminatóriu nian.
Real Madrid, hafoin hasoru tiha momentu istóriku oioin hosi jogu 40 ne'ebé manán beibeik, lakon hasoru Sevilha no Celta de Vigo.
@SAPO Desporto